Сурхондарё вилояти Ички ишлар органларида фаолият юритаётган психолог мутахассисига эга бўлган ходимлар ўртасида “Энг яхши психолог” танлови ўтказилди
2026-09-26 11:05:00 / Янгиликлар
Ўзбекистон Республикаси Президентининг “Ички ишлар органларини халқчил профессионал тузилмага айлантириш ва аҳоли билан янада яқин ҳамкорликда ишлашга йўналтириш бўйича қўшимча чора-тадбирлар тўғрисида” Қарорига мувофиқ Ички ишлар органларида психологик таъминлашнинг сифат жиҳатдан самарадорлигини янада ошириш ҳамда ушбу соҳада фаолият юритаётган психологлар ўртасида соғлом рақобатни яратиш орқали етук мутахассис психолог кадрлар сафини янада кенгайтириш ҳамда Ўзбекистон Республикаси Ички ишлар вазирлигининг 2024-йил 1-феврал кунидаги “ички ишлар органларида “Энг яхши психолог” танловини ташкил этиш ва ўтказиш тартиби тўғрисида”ги 57-сон буйруғи ижросини таъминлаш мақсадида, Сурхондарё вилояти Ички ишлар органларида фаолият юритаётган психолог мутахассисига эга бўлган ходимлар ўртасида “Энг яхши психолог” танлови ўтказилди.
Дастлаб, бошқарма ММИ ва КБТХ ММИБ ПТГ бош психологи томонидан танлов иштирокчиларга мазкур танлов қонун қоидалари тушунтириб ўтилди. Танловнинг дастлабки босқичи психология соҳасини ривожлантиришга қаратилган фаолиятлари, тарғибот-ташвиқот ишлари, тренинг, семинар, конференция ва бошқа оммавий тадбирлардаги иштироки ҳамда психология касбини ёритишга қаратилган “Энг яхши психолог” ташриф қоғози, видеоролиги намойиши, психология соҳасини ривожлантиришга қаратилган ғоя ва уни амалиётга жорий қилиш истиқболлари ва танлов иштирокчиларнинг билим даражасини аниқлашга қаратилган синовлар асосида ўтказилди.
Муросасиз баҳсларга бой ўтган танлов натижаларига кўра, фахрли 3-ўринни Бандихон тумани Ички ишлар бўлими Жамоат хавфсизлиги хизмати Ҳуқуқбузарликлар профилактикаси бўлинмаси вояга етмаганлар ва ёшлар билан ишлаш гуруҳи вояга етмаганлар масалалари бўйича инспектор-психолог катта лейтенант Алибоев Жалолиддин Файзулла ўғли, фахрли 2-ўринни Термиз шаҳар Ички ишлар бошқармаси Жамоат хавфсизлиги хизмати Ҳуқуқбузарликлар профилактикаси бўлими вояга етмаганлар ва ёшлар билан ишлаш гуруҳи вояга етмаганлар масалалари бўйича инспектор-психолог лейтенант Холматов Жасурбек Анвар ўғли эгаллаган бўлса, фахрли 1-ўринга Ўзбекистон Республикаси Ички ишлар вазирлиги Сурхондарё Академик лицейи психологи Бекмуратова Халима Максатовна лойиқ деб топилди.
Кўрик-танлов ғолиблигини қўлга киритган иштирокчилар келгусида танловнинг Республика финал босқичига қатнашиш йўлланмасига эга бўлишди.
Сурхондарё вилояти ИИБ Ахборот хизмати