Ўзбекистон Республикаси Ички ишлар вазирлиги

Сурхондарё вилоятида аҳоли тинчлиги ва осойишталигини таъминлаш, жиноятчилик ва ҳуқуқбузарликларнинг барвақт олдини олиш ҳамда ҳар бир маҳаллада хавфсиз муҳитни шакллантиришга қаратилган манзилли ишлар изчил давом эттирилмоқда.

Сурхондарё вилояти ИИБ бошлиғи Бахтиёр Иноқов томонидан ҳудудлардаги криминоген вазиятни чуқур таҳлил қилиш, жиноят ва ҳуқуқбузарликларга сабаб бўлаётган омилларни аниқлаш ва бартараф этиш, шунингдек, ички ишлар органлари ходимларининг хизмат самарадорлигини ошириш масалаларига алоҳида эътибор қаратилмоқда.

Навбатдаги ўрганишлар Музработ ва Жарқўрғон туманларида ўтказилди.

Ўрганишлар давомида туман ИИБ раҳбарларининг Ўзбекистон Республикаси Президентининг ПҚ-1 ва ПҚ-2-сон қарорлари ижросини таъминлаш, “Чилонзор тажрибаси” асосида маҳаллаларда хавфсиз муҳит яратиш, жиноятчиликнинг барвақт олдини олиш, йўл ҳаракати хавфсизлигини таъминлаш ҳамда криминоген вазиятни барқарорлаштириш борасида амалга оширилаётган ишлари танқидий-таҳлилий руҳда кўриб чиқилди.

Туман ИИБ бошлиқларининг ўринбосарлари ва соҳавий хизмат раҳбарлари иштирокида ўтказилган йиғилишларда ҳар бир йўналишдаги ишлар, эришилган натижалар, мавжуд муаммолар ва уларни бартараф этиш чоралари муҳокама қилинди.

Аниқланган камчиликларни бартараф этиш, хизмат фаолиятини самарали ташкил қилиш ва белгиланган вазифалар ижросини таъминлаш бўйича ҳар бир ҳолат юзасидан аниқ чора-тадбирлар белгилаб олинди.

Ўрганишлар доирасида маҳаллаларда хизмат олиб бораётган профилактика инспекторлари билан ҳам очиқ мулоқот ўтказилди.

Унда хизмат ҳудудларида жиноятларни барвақт аниқлаш ва олдини олиш, профилактик тадбирларнинг натижадорлигини ошириш, аҳоли билан яқин ҳамкорликни йўлга қўйиш ҳамда мавжуд муаммоларни маҳалланинг ўзида ҳал этиш масалаларига эътибор қаратилди.

Профилактика инспекторларига жиноятчиликка сабаб бўлаётган омилларни эрта аниқлаш, профилактик ишларни манзилли ташкил этиш, аҳоли билан самарали мулоқотни кучайтириш ва хизмат фаолияти натижадорлигини ошириш бўйича амалий тавсиялар берилди.

Йиғилишларда Музработ ва Жарқўрғон туманларини жиноятдан холи ҳудудга айлантириш, рақамлаштириш жараёнларини жадаллаштириш, йўл ҳаракати хавфсизлигини таъминлаш, пробация ва ижтимоий профилактика тизимини такомиллаштириш, кибержиноятчиликка қарши курашиш самарадорлигини ошириш, видеокузатув тизимларини кенгайтириш ҳамда хонадон ва объектларни Қўриқлаш хизматига жалб этиш масалалари муҳокама қилинди.

Шунингдек, оилавий-маиший низолар замирида содир этилиши мумкин бўлган ҳуқуқбузарлик ва жиноятларнинг барвақт олдини олиш, профилактик ҳисобда турган шахслар билан манзилли ишлаш ҳамда ижтимоий профилактика чораларини кучайтириш бўйича аниқ вазифалар белгилаб берилди.

Музработ туманидаги сариқ тоифада турган “Меҳнатобод” маҳалласи ҳудудига чиқилиб, бу ердаги криминоген вазият, жиноятларни жиловлаш, профилактика ишларининг самарадорлиги ва маҳалла “еттилиги” фаолияти атрофлича таҳлил қилинди.

Муаммолар жойида ўрганилиб, уларни бартараф этиш бўйича аниқ чоралар белгилаб олинди.

Шунингдек, маҳалла профилактика инспекторининг хизмат ҳудудида жиноятларни барвақт жиловлаш борасидаги ишлари юзасидан тақдимоти тингланди.

Маҳаллада яратилган шарт-шароитлар, аҳолини қийнаётган муаммолар, хизмат ҳудудидаги криминоген вазият ва профилактик тадбирларнинг натижадорлиги юзасидан очиқ мулоқот ўтказилиб, ходимлар фаолиятини янада самарали ташкил этиш бўйича амалий тавсиялар берилди.

Масъул раҳбарларга белгиланган вазифалар ижросини қатъий назоратга олиш, аниқланган муаммоларни ўз вақтида бартараф этиш ва ҳудудларда криминоген вазиятни янада соғломлаштириш бўйича тизимли ишларни кучайтириш топширилди.

Зеро, хавфсиз ҳудуд — бу аввало, осойишта маҳалла, хотиржам оила ва эртанги кунга ишонч демакдир.

Сурхондарё вилоятида аҳоли тинчлиги ва хавфсизлигини таъминлаш, жиноятчилик ва ҳуқуқбузарликларнинг барвақт олдини олиш ҳамда ҳар бир маҳаллада соғлом, осуда ва хавфсиз муҳитни қарор топтиришга қаратилган манзилли ўрганишлар вилоятнинг барча шаҳар ва туманларида изчил давом эттирилади.

Сурхондаре вилояти ИИБ Ахборот хизмати