Сирдарё вилояти ИИБ бўлинмаларида хизмат шароитлари ва фаолият самарадорлиги ўрганилди
2026-09-23 23:45:00 / Янгиликлар
Сирдарё вилояти Ички ишлар бошқармаси бошлиғи, полковник Сардор Мирзараимов бошқарма тасарруфидаги бир қатор бўлинмаларда ходимлар учун яратилган хизмат шароитлари, моддий-техник таъминот ҳамда иш фаолиятининг ташкил этилиши билан танишди.
Ўрганишлар аввало вилоят Ички ишлар бошқармаси Тезкор вазифаларни бажарувчи сафарбар отрядининг эски маъмурий биносини кўздан кечиришдан бошланди. Унда ходимларнинг хизмат фаолиятини самарали ташкил этиш учун яратилган шароитлар, мавжуд моддий-техник база, бино ва иншоотларнинг ҳолати ҳамда хизмат жараёнларининг ташкил этилиши ўрганилди.
Шунингдек, вилоят Ички ишлар бошқармаси жамоат хавфсизлиги хизмати, жамоат тартибини сақлаш бошқармаси вақтинчалик бошпана ва ижтимоий тикланиш марказида ходимлар фаолияти учун яратилган шароитлар, хизмат хоналари ва мавжуд имкониятлар кўздан кечирилди.
Ўрганишлар якунида масъул раҳбарларга ходимлар учун муносиб хизмат шароитларини яратиш ҳамда хизмат фаолиятини самарали ташкил этиш юзасидан топшириқлар берилди.
Сирдарё вилояти ИИБ Ахборот хизмати