ИИВ Малака ошириш институтида Президент қарори ижроси доирасида амалга оширилаётган ишлар муҳокама қилинди
2026-09-20 12:00:00 / Янгиликлар
Ички ишлар вазири ўринбосари, полковник Диёрбек Саттаров иштирокида ИИВ Малака ошириш институтида Ўзбекистон Республикаси Президентининг 2026 йил 26 августдаги «Ички ишлар органлари учун профессионал кадрларни тайёрлаш тизимини трансформация қилиш чора-тадбирлари тўғрисида»ги қарорида белгиланган вазифалар ижроси юзасидан амалга оширилаётган ишлар муҳокама қилинди.
Йиғилишда профессионал кадрларни тайёрлаш тизимини замонавий талаблар асосида такомиллаштириш, таълим жараёнига илғор ёндашувларни жорий этиш, ходимларнинг касбий билим ва амалий кўникмаларини ривожлантириш масалаларига алоҳида эътибор қаратилди.
Шунингдек, қарор талабларидан келиб чиқиб, Малака ошириш институтида амалга оширилиши лозим бўлган чора-тадбирлар кўриб чиқилиб, мавжуд вазифаларнинг ижро ҳолати таҳлил қилинди.
Муҳокамалар якунида белгиланган вазифаларни ўз вақтида ва сифатли амалга ошириш, таълим самарадорлигини ошириш ҳамда замонавий билим ва амалий кўникмаларга эга юқори малакали профессионал кадрларни тайёрлаш юзасидан масъулларга тегишли кўрсатмалар берилди.