Тошкент шаҳар ИИББ Қўриқлаш хизматида амалга оширилаётган ишлар муҳокама этилди
2026-09-17 13:40:00 / Янгиликлар
Тошкент шаҳар ИИББ бошлиғи полковник Равшан Султанходжаев ҳамда ИИВ Қўриқлаш департаменти раҳбарияти томонидан Бош бошқарма Қўриқлаш хизмати фаолиятининг чуқур таҳлилига асосланган танқидий йиғилиши ўтказилди. Раҳбар томонидан хизматнинг барча йўналишлари: объектларни, хонадонларни қўриқловга олиш, қарздорликни ундириш, маъмурий амалиёт, шахсий таркиб билан ишлаш ва хизматга алоқадор бошқа соҳаларни ўрганиш натижасида аниқланган камчиликлар туманлар кесимида қайд этиб ўтилди.
Хусусан, янги объектларни жисмоний ва техник қўриқловга олиш, тадбиркорлик субъектлари ва ташкилотларга қўриқлаш хизматларини таклиф этиш орқали янги постлар ташкил қилиш ишларининг тизимли ташкил этилмаганлиги ва камчиликларга йўл қўйилганлиги, объектлар айниқса, аҳолига хизмат кўрсатиш таклифи механизмининг сустлиги, бу борада тарғибот ишларининг етарли эмаслиги кўрсатиб ўтилди.
Йиғилиш якунида қайд этиб ўтилган камчиликларни бартараф этиш, хизматга бириктирилган ҳар бир туман ИИО ФМБ раҳбарлари ҳамда бевосита соҳа раҳбарларининг шахсий жавобгарлигини ошириш, тегишли чора-тадбирлар режасини ишлаб чиқиш ва қатъий назоратга олиш бўйича аниқ топшириқлар берилди.
Тошкент шаҳар ИИББ Ахборот хизмати