Қашқадарё вилояти ИИБ раҳбарияти томонидан Қарши туманидаги «қизил» тоифадаги маҳаллаларда криминоген вазият ўрганилди
2026-09-12 10:00:00 / Янгиликлар
Қашқадарё вилояти ИИБ бошлиғи, полковник Абдувохид Исмоилов бошчилигида Қарши туманидаги криминоген вазияти мураккаб, хусусан, «қизил» тоифага киритилган маҳаллалардаги ҳолат атрофлича ўрганилди.
Ўрганишлар давомида ҳудуддаги мавжуд муаммолар, жиноят ва ҳуқуқбузарликларнинг келиб чиқишига таъсир этувчи омиллар ҳамда профилактик ишларнинг самарадорлиги таҳлил қилиниб, масъулларга тегишли йўриқнома ва топшириқлар берилди.
Хусусан, «Батош» маҳалласида соҳа масъуллари билан учрашув ўтказилиб, жиноятчилик ва ҳуқуқбузарликларнинг олдини олиш, кечки ва тунги вақтларда назоратни кучайтириш, фуқаролар мурожаатлари билан манзилли ишлаш ҳамда ҳудуддаги муаммоларни ўз вақтида аниқлаб, бартараф этиш масалаларига алоҳида эътибор қаратилди.
Шунингдек, маҳаллаларда олиб борилаётган профилактик ишларнинг самарадорлиги «Алишер Навоий» маҳалласи мисолида атрофлича таҳлил қилинди.
Ҳудуддаги жиноятчилик ҳолати, оилавий ва ижтимоий муҳит, ишсизлик, эҳтиёжманд оилалар ҳамда турли хавф гуруҳларига кирувчи шахслар билан олиб борилаётган ишлар ўрганилди.
Таҳлиллар давомида ҳудуддаги мавжуд муаммоларни бартараф этиш, фуқаролар билан манзилли ишлаш, оилавий муҳитни яхшилаш, хавф гуруҳига кирувчи шахслар билан индивидуал профилактик тадбирларни кучайтириш зарурлиги қайд этилди.
Шунингдек, маҳаллада хавфсизликни таъминлаш билан бир қаторда, ҳудуднинг инфратузилмаси, ободонлаштириш ва фуқаролар учун зарур шарт-шароитлар билан боғлиқ масалалар ҳам ўрганилди.
Ўрганиш якунлари бўйича масъулларга ҳар бир муаммони манзилли ўрганиш, профилактика инспекторлари ва маҳалла фаоллари ҳамкорлигини янада кучайтириш, хавф гуруҳидаги шахслар билан индивидуал ишлашни тизимли йўлга қўйиш ҳамда ҳудудда хавфсиз муҳитни таъминлаш юзасидан тегишли топшириқлар берилди.
Қашқадарё вилояти ИИБ Ахборот хизмати