Маънавий-маърифий ишлар ва кадрлар билан таъминлаш бўлинмалари фаолияти танқидий-таҳлилий муҳокама қилинди
2026-09-11 18:50:00 / Янгиликлар
Ички ишлар вазири ўринбосари, полковник Диёрбек Саттаров ҳузурида маънавий-маърифий ишлар ва кадрлар билан таъминлаш йўналишида жорий йилнинг ўтган 8 ойи давомида амалга оширилган ишлар, мавжуд муаммо ва камчиликлар ҳамда келгусидаги устувор вазифалар муҳокама қилинди.
Йиғилишда масъул раҳбарларнинг ахборотлари тингланиб, кадрларни танлаш ва жой-жойига қўйиш, ходимларнинг касбий тайёргарлиги, хизмат ва ижро интизоми, соғлом маънавий-руҳий муҳитни таъминлаш ҳамда ёш ходимлар билан манзилли ишлаш ҳолати танқидий-таҳлилий кўриб чиқилди.
Шунингдек, хизмат интизоми ва қонунийлик билан боғлиқ салбий ҳолатларнинг сабаблари таҳлил қилиниб, уларнинг олдини олиш, аниқланган камчиликларни бартараф этиш ҳамда келгусида такрорланишига йўл қўймаслик бўйича аниқ вазифалар белгиланди.
Шу билан бирга, таълим муассасаларида ўқувчиларнинг билим ва касбий салоҳиятини ошириш, тиббиёт йўналишида эса ходимлар саломатлигини муҳофаза қилиш ҳамда уларга сифатли тиббий хизмат кўрсатиш масалаларига алоҳида эътибор қаратилди.
Йиғилиш якунида раҳбарларнинг шахсий масъулиятини ошириш, назорат ва талабчанликни кучайтириш, белгиланган вазифалар ижросини ўз вақтида ва сифатли таъминлаш юзасидан тегишли топшириқлар берилди.