Республика идоралараро мувофиқлаштириш штаби ва ишчи гуруҳи томонидан Сурхондарё вилоятида Президент қарорлари ижроси ўрганилмоқда
2026-09-10 10:00:00 / Янгиликлар
Бош прокурорнинг биринчи ўринбосари Б.Валиев раҳбарлигидаги Республика идоралараро мувофиқлаштириш штаби ва ишчи гуруҳи томонидан Президентнинг 2026 йил 5 январдаги ПҚ-1-сон ва ПҚ-2-сон қарорлари ижросини таъминлаш юзасидан Сурхондарё вилоятида олиб борилаётган ўрганишлар давом этмоқда.
Хусусан, штаб ва ишчи гуруҳи аъзолари Тошкент тиббиёт академиясининг Термиз филиалида бўлиб, талабалар ўртасида ҳуқуқбузарлик ва жиноятчиликни олдини олиш борасида амалга оширилаётган ишлар ҳамда “Қалқон” жамоаси фаолияти билан танишилди.
Шунингдек, университет ҳудудида жорий этилган видеокузатув тизимлари ва Face ID камералари фаолияти, талабалар турар жойлари ҳамда ижара хонадонларида истиқомат қилаётган талабалар билан олиб борилаётган профилактика ишлари кўриб чиқилди.
Айни пайтда, жамоатчилик гуруҳи, тьюторлар, профилактика инспекторлари, психологлар ва тарбиячи-педагогларнинг ўзаро ҳамкорлигини янада самарали ташкил этиш юзасидан масъулларга тегишли топшириқлар берилди.
Бу йўналишдаги ўрганиш ва амалий тадбирлар давом этмоқда.
Сурхондарё вилояти ИИБ Ахборот хизмати