Андижонда ИИВга бириктирилган ва тизимдаги таълим муассасалари фаолияти ўрганилди
2026-09-06 10:00:00 / Янгиликлар
Ўзбекистон Республикаси Ички ишлар вазири ўринбосари, полковник Диёрбек Саттаров Андижон вилоятидаги таълим муассасаларида бўлиб, ўқув йилига тайёргарлик ҳолати билан танишди.
Дастлаб, Ўзбекистон Республикаси Президентининг тегишли қарорига мувофиқ Ички ишлар вазирлигига бириктирилган 35-сонли умумий ўрта таълим мактаби фаолияти ўрганилди.
Ташриф давомида ўқув йилига тайёргарлик ҳолати, ўқувчилар учун яратилган шароитлар, ўқув жараёнининг моддий-техник таъминоти ҳамда таълим-тарбия жараёнини янада такомиллаштириш йўналишида амалга оширилган ишлар кўздан кечирилди. Аниқланган масалалар юзасидан масъулларга тегишли вазифалар белгилаб берилди.
Шундан сўнг, вазир ўринбосари ИИВ Андижон Академик лицейида бўлиб, таълим муассасасининг ўқув йилига тайёргарлиги, ўқув хоналари ва ётоқхонадаги шароитлар, шунингдек, ўқувчиларнинг сифатли таълим олиши учун яратилган имкониятларни ўрганди.
Шунингдек, лицей иқтидорли ўқувчиларининг таълим сифатини замонавий ёндашувлар асосида янада ривожлантиришга қаратилган тақдимот ва таклифлари тингланди.
Билдирилган ташаббусларни қўллаб-қувватлаш, таълим жараёнига замонавий ёндашувларни кенг жорий этиш ҳамда таълим сифатини янада ошириш бўйича масъулларга тегишли топшириқлар берилди.