Ўзбекистон Республикаси Ички ишлар вазирлиги

Сирдарё вилояти Ички ишлар бошқармаси бошлиғи Сардор Мирзараимов Мирзаобод туманида бўлиб, туман миқёсида жиноятчилик ва ҳуқуқбузарликларни олдини олиш, криминоген вазият барқарорлигини таъминлаш ҳамда «хавфсиз маҳалла» тамойили асосида амалга оширилаётган ишлар ҳолатини ўрганди.

Дасталаб тумандаги «Мирзачўл» маҳалла фуқаролар йиғини еттилиги фаолияти хусусан профилактика инспекторининг ҳудудда жиноятчиликни жиловлаш борасидаги ишлари билан танишилди.

Шунингдек профилактика инспектори хизмат уйи шароитлари кўздан кечирилиб, мавжуд муаммоларни ҳал этиш юзасидан масъулларга кўрсатмалар берилди.

Ўрганишлар шунингдек тумандаги «Мирзачўл автоуловлар мажмуаси» ҳамда «Мирзачўл қовун бозори» савдо объектларида ҳам давом этди.

Фуқаролар учун яратилган шароитларни янада яхшилаш, савдо объектида мунтазам ишловчи кузатув камералари фаолиятини йўлга қўйиш зарурлиги таъкидланди.

Бундан ташқари ички ишлар органларида узоқ йиллар фидокорона меҳнат қилиб бугунги кунда нафақада бўлган фахрий ходим учун қуриб битказилган хонадон шароитлари ҳам эътибордан четда қолмади.

Ўрганишлар давомида бошқарма бошлиғи туман Ички ишлар бўлимида ходимлар учун яратилган шароитлар ,мавжуд имкониятларни ўрганди.

Шунингдек туман ички ишлар бўлими бошлиғининг ҳудудда жиноятчиликни олдини олиш борасида амалга оширилаётган ишлар юзасидан тақдимоти ҳам тингланди.

Шундан сўнг туман Ички ишлар бўлимида шахсий таркиб иштирокида йиғилиш бўлиб ўтди.

Унда бошқарма бошлиғи томонидан ҳудудда жиноятчиликка қарши самарали курашиш, содир бўлиши мумкин бўлган жиноят ва ҳуқуқбузарликларни барвақт олдини олиш юзасидан масъул раҳбарларга аниқ вазифалар белгилаб берилди ҳамда бу борада ҳар бир ходим ўз ишига сидқидилдан ёндашиши лозимлиги алоҳида таъкидланди.

Сирдарё вилояти ички ишлар бошқармаси бошлиғининг ҳудудлардаги ўрганишлари давом этмоқда.

Сирдарё вилояти ИИБ Ахборот хизмати