Қашқадарё вилоятида мустақилликнинг 35 йиллиги арафасида эҳтиёжманд хонадон ҳолидан хабар олинди
2026-09-01 12:40:00 / Янгиликлар
Юртимизда меҳр-оқибат, инсон қадри ва ижтимоий ҳимоя тамойилларини таъминлашга алоҳида эътибор қаратиб келинмоқда.
Ўзбекистон Республикаси давлат мустақиллигининг 35 йиллиги байрами арафасида Қашқадарё вилояти Ички ишлар бошқармаси бошлиғи томонидан бошқарма эътиборига олинган хонадон ҳолидан хабар олинди.
Ташриф давомида оиланинг яшаш шароити, кундалик эҳтиёжлари ва муаммолари билан яқиндан танишилиб, самимий суҳбат ўтказилди. Байрам муносабати билан хонадон эгаларига эзгу тилаклар билдирилиб, турли совға-саломлар топширилди.
Бундай эзгу ташаббуслар инсонларга бўлган эътибор ва ғамхўрликни амалий ифодалаб, байрам шодиёналарини янада кўтаринки руҳда ўтказишга хизмат қилмоқда.
Зеро, инсон қадри улуғланган юртда меҳр ва эътибор ҳеч қачон эътибордан четда қолмайди.
Қашқадарё вилояти ИИБ Ахборот хизмати