Сурхондарё вилоятида Мустақиллик байрами тадбирлари давомида жамоат хавфсизлиги кучайтирилган тартибда таъминланмоқда
2026-08-30 09:00:00 / Янгиликлар
Сурхондарёда Ўзбекистон Республикаси Мустақиллигининг 35 йиллиги муносабати билан ўтказиладиган байрам тантаналарига тайёргарлик ишлари доирасида жамоат хавфсизлигини таъминлашга алоҳида эътибор қаратилмоқда.
Хусусан, вилоятда асосий байрам тадбирлари ўтказиладиган ҳудудларда хизмат олиб борадиган ҳуқуқни муҳофаза қилувчи органлар ходимлари учун хизмат олдидан йўриқнома ва кўрсатмалар берилди.
Унда ходимларга хизматни белгиланган тартибда ташкил этиш, фуқаролар хавфсизлигини таъминлаш, ҳудудга кириб-чиқиш жойларида ҳушёрликни ошириш, жамоат тартибини сақлаш ҳамда турли кўнгилсиз ҳолатларнинг олдини олиш бўйича зарур вазифалар тушунтирилди.
Шунингдек, байрам тадбирлари давомида фуқаролар билан хушмуомалалик билан мулоқот қилиш, хизмат интизоми ва хавфсизлик талабларига қатъий риоя этиш, юзага келиши мумкин бўлган фавқулодда вазиятларда тезкор ва тўғри ҳаракат қилиш бўйича тегишли тавсиялар берилди.
Ички ишлар органлари ходимлари Мустақиллик байрами тантаналари юқори савияда, осойишталик ва хавфсизлик муҳитида ўтишини таъминлаш учун белгиланган вазифаларни масъулият билан бажаришга шай.
Сурхондарё вилояти ИИБ Ахборот хизмати