Ўзбекистон Республикаси Ички ишлар вазирлиги

Сирдарё вилояти Ички ишлар бошқармаси бошлиғи, полковник Сардор Мирзораимов бошқарма тизимидаги бир қатор бўлинмаларда бўлиб, ходимларнинг хизмат фаолияти, улар учун яратилган шарт-шароитлар ҳамда аҳолига кўрсатилаётган хизматлар сифатини ўрганди.

Ўрганишлар аввало миграция ва персоналлаштириш бошқармасида олиб борилди. Масканда фуқароларга давлат хизматларини кўрсатиш жараёнлари, ходимларнинг иш фаолияти ва фуқаролар мурожаатлари билан ишлаш ҳолати кўздан кечирилди.

Шундан сўнг вояга йетмаганларга ижтимоий-ҳуқуқий ёрдам кўрсатиш маркази фаолияти ўрганилди. Ушбу манзилда вояга йетмаганлар билан олиб борилаётган ижтимоий-ҳуқуқий ва тарбиявий ишлар, уларнинг таълим олиши учун яратилган шароитлар, ўқув хоналари ҳамда ётоқхоналарнинг ҳолати билан яқиндан танишилди.

Шунингдек, бошқарма тасарруфидаги “Қалдирғоч” номли мактабгача таълим ташкилотида ҳам ўрганиш олиб борилиб, тарбияланувчилар учун яратилган шароитлар, таълим-тарбия жараёнлари ҳамда муассасанинг мавжуд имкониятлари кўздан кечирилди.

Ўрганишлар вилоят Ички ишлар бошқармаси даволаш-профилактика муассасалари тиббиёт бўлимида ҳам давом етди. Бу йерда ходимларга тиббий хизмат кўрсатиш, даволаш ва профилактика тадбирларини ташкил етиш, мавжуд тиббий шароитлар ҳамда муассасанинг моддий-техник базаси назоратдан ўтказилди.

Шунингдек, вилоят Ички ишлар бошқармаси молиявий таъминот хизмати фаолияти ҳам ўрганилиб, хизматнинг иш жараёнлари, моддий-техник таъминот, мавжуд ресурслардан самарали фойдаланиш ҳамда тизимдаги бўлинмаларнинг зарур воситалар билан таъминланганлик ҳолати кўриб чиқилди.

Якунда масъул раҳбарларга ходимлар учун яратилган хизмат шароитларини янада яхшилаш, хизмат интизоми ва масъулиятини кучайтириш, фуқароларга кўрсатилаётган давлат хизматлари сифати ва самарадорлигини ошириш, шунингдек, аниқланган камчиликларни қисқа муддатларда бартараф етиш юзасидан тегишли топшириқ ва кўрсатмалар берилди.

Сирдарё вилояти ИИБ Ахборот хизмати