Ўзбекистон Республикаси Ички ишлар вазирлиги

Ўзбекистон Республикаси ИИВ “Динамо” Жисмоний тарбия ва спорт жамияти Сурхондарё вилоят Кенгашининг 2026 йил календар режасига асосан жорий йилнинг 23-24 август кунлари Термиз шаҳридаги Термиз давлат университети спорт залида спортнинг “Волейбол” тури бўйича Сурхондарё вилояти Ҳуқуқни муҳофаза қилувчи органларида хизмат ўтаётган ходимлар ва ҳарбий хизматчилар ўртасида вилоят “Динамо” ЖТСЖ Сурхондарё вилоят раиси кубоги мусобақаси ўтказилди.

Спорт мусобақаси муросасиз баҳсларга бой бўлиб, Сурхондарё вилояти Ички ишлар бошқармаси, Сурхондарё вилояти Фавқулодда вазиятлар бошқармаси, Ўзбекистон Республикаси Миллий гвардияси Сурхондарё вилояти бўйича бошқармаси, Ўзбекистон Республикаси Давлат хавфсизлик хизмати Сурхондарё вилояти бошқармаси, Сурхондарё вилояти Божхона бошқармаси, Ўзбекистон Республикаси ИИВ Жазони ижро этиш Департаменти тўртинчи минтақавий-ҳудуд 9-сон Тергов ҳибсхонаси, “Термиз” халқаро аэропортида хавфсизликни таъминлаш бўйича алоҳида батальони, Сурхондарё вилояти ДХХ чегара қўшинлари “Жануб” округ қўмондонлигининг соҳавий хизматлари, бўлим ва бўлинмалари ходимларидан иборат жами 12 та терма жамоадан 88 нафар спортчилар қатнашди.

Халқаро тоифадаги ҳакамлар томонидан баҳолаб борилган ушбу нуфузли мусобақа натижаларига кўра 1 ўринни вилоят ДХХ, 2 ўринни вилоят ИИБ 3 ўринни вилоят ФВБ терма жамоалари қўлга киритишди.

Ғолиблар Ўзбекистон Республикаси ИИВ “Динамо” ЖТСЖ Сурхондарё вилояти Кенгаши томонидан диплом, медал, кубок ва қимматбаҳо эсдалик совғалари билан тақдирландилар.

Шу ўринда айтиш жоизки “Динамо” жисмоний тарбия ва спорт жамияти қошида ташкил этилган “Кураш”, “Эркин кураш”, “ДЗЮДО”, “Қўл жанг”, “Триатлон”, “Футбол” , “Юнон-Рум кураши”, “Комбат айкидо” “Волейбол” тўгаракларида ҳозирги кунда жами 407 нафар ўсмирлар мунтазам шуғулланишиб республика ва халқаро мусобақаларда муносиб ўринларни эгаллашмоқда.

Сурхондарё вилояти ИИБ Ахборот хизмати