ИИВ Ҳайъат йиғилишида берилган топшириқлар ижросини таъминлаш мақсадида Фарғона ва Қўқон шаҳарларида учрашувлар ўтказилди
2026-08-15 14:30:00 / Янгиликлар
Ички ишлар вазирлиги Комплаенс хизмати масъул ходими ҳамда вилоят ИИБ раҳбарияти иштирокида ўтказилган тадбирда хизмат интизоми ва қонунийликни мустаҳкамлаш, соҳа ходимлари ўртасида турли салбий иллатларнинг олдини олиш масалалари муҳокама қилинди.
Соҳавий хизмат раҳбарлари, шаҳар-туман ИИБ бошлиқлари, тегишли мутасадди раҳбарлар ва масъул ходимлар иштирокида ўтказилган йиғилишда Ички ишлар органлари ходимларининг касбий маданият ва хизмат интизоми кодексига амал қилиш, фуқаролар билан хушмуомала бўлиш, тамагирлик, ичкиликбозлик каби турли салбий одатларга берилмаслик, касбга садоқат, устозлар ҳурмати каби тушунчалар ҳақида сўз юритилди.
Шахсий таркиб ўртасида ижтимоий-маънавий муҳитни янада яхшилаш бўйича раҳбарларга аниқ вазифалар белгилаб берилди.
Фарғона вилояти ИИБ Ахборот хизмати