Ички ишлар вазирлиги Жамоат хавфсизлиги департаменти Ҳуқуқбузарликлар профилактикаси хизмати томонидан «Маҳаллада ободлик ва меҳр-саховат ойлиги» доирасида амалга оширилган ишлар ўрганилиб, муҳокама қилинди
2026-08-13 15:00:00 / Янгиликлар
«Маҳаллада ободлик ва меҳр-саховат ойлиги» доирасида маҳаллаларда амалга оширилаётган ишларнинг ҳолати ўрганилиб, мавжуд муаммолар ҳамда уларни бартараф этиш чоралари муҳокама қилинди.
Ўрганишлар давомида профилактика инспекторларининг хизмат фаолияти учун яратилган шароитлар ҳам кўздан кечирилди. Жумладан, уларнинг хизмат уйлари ва хизмат хоналарининг ҳолати, ободонлиги, санитария шароитлари, зарур жиҳозлар билан таъминланганлиги ҳамда хизмат вазифаларини самарали бажариши учун яратилган имкониятлар ўрганилди.
Ўрганиш якунлари бўйича аниқланган камчиликларни бартараф этиш, профилактика инспекторларининг хизмат фаолияти учун муносиб шарт-шароитларни янада яхшилаш, маҳаллаларда ободлик ва осойишталикни таъминлаш ҳамда аҳолига кўрсатилаётган профилактик хизматлар сифатини ошириш юзасидан масъулларга тегишли вазифалар белгилаб берилди.
ИИВ Жамоат хавфсизлиги департаменти Ахборот хизмати