Наманган вилояти ҳудудларида Мустақиллик байрами тадбирларини хавфсиз ўтказиш бўйича ўрганишлар олиб борилди
2026-08-13 12:55:00 / Янгиликлар
Ўзбекистон Республикаси Мустақиллигининг ўттиз беш йиллиги «Ягона Ватан, ягона халқ бўлиб, янги ҳаёт ва келажак яратамиз!» деган бош ғоя асосида кенг нишонланиши муносабати билан байрам тадбирларини хавфсиз ва юқори савияда ўтказиш, жамоат тартибини сақлаш ҳамда фуқаролар осойишталигини таъминлаш бўйича ҳуқуқни муҳофаза қилувчи ва бошқа масъул тузилмалар томонидан зарур чора-тадбирлар амалга оширилмоқда.
Шу мақсадда Наманган вилояти ИИБ бошлиғи, Миллий гвардия ҳамда Фавқулодда вазиятлар бошқармалари бошлиқлари томонидан Косонсой, Янгиқўрғон ва Чортоқ туманларида Мустақиллик байрами муносабати билан оммавий тадбирлар ўтказилиши режалаштирилган ҳудудлар ўрганилди.
Ўрганиш давомида жамоат тартибини сақлаш, фуқаролар хавфсизлигини таъминлаш, фавқулодда вазиятларнинг олдини олиш, транспорт ва пиёдалар ҳаракатини тартибга солиш, шунингдек, жалб этиладиган куч ва воситаларни белгиланган тартибда жойлаштириш билан боғлиқ масалалар кўриб чиқилиб, масъулларга тегишли вазифалар белгилаб берилди.
Наманган вилояти ИИБ Ахборот хизмати