Интерпол каналлари орқали халқаро қидирувда бўлган фирибгар Польша давлатидан Ўзбекистонга экстрадиция қилинди
2026-07-20 10:50:00 / Янгиликлар
Ўзбекистон Республикаси Польша давлатидаги Элчихонаси вакилларининг бевосита кўмагида Тошкент ва Варшава Миллий марказий бюролари ўртасида бўлиб ўтган икки томонлама музокаралар, ҳамда ахборот алмашиш ва ҳамкорликдаги тезкор-қидирув ҳаракатлари натижасида фирибгарлик жинояти содир этганлик учун қидирилаётган жиноятчини топшириш амалга оширилди.
Интерпол каналларидан самарали фойдаланиш натижасида қидирувда бўлган фуқаронинг трансчегаравий ҳаракатлари аниқланиб, Польша давлати ҳудудида қўлга олинди.
Польша давлати ваколатли органларининг ижобий қарори натижасида қидирувдаги шахс суд олдида жавоб бериш ва муносиб жазо олиш ҳамда Тошкентга олиб келиш учун Ўзбекистон ҳуқуқ-тартибот идоралари ходимларига топширилди.
Интерполнинг Ўзбекистон Республикасидаги Миллий марказий бюроси