Навоий вилояти ИИБда Ички ишлар вазирлиги раҳбарияти иштирокида ўтган 6 ой давомида амалга оширилган ишлар юзасидан сарҳисоб йиғилиши бўлиб ўтди
2026-07-17 12:15:00 / Янгиликлар
Навоий вилояти Ички ишлар бошқармасида Ўзбекистон Республикаси Ички ишлар вазири ўринбосари, генерал-майор Баходир Мирзарахимов раҳбарлигида 2026 йилнинг ўтган олти ойи давомида амалга оширилган ишлар юзасидан сарҳисоб йиғилиши бўлиб ўтди.
Йиғилишда вилоят ички ишлар органлари томонидан жамоат хавфсизлигини таъминлаш, ҳуқуқбузарликлар ва жиноятчиликнинг олдини олиш, фуқаролар мурожаатлари билан ишлаш, профилактика тадбирлари самарадорлигини ошириш, шунингдек, соҳада амалга оширилаётган ислоҳотлар доирасида бажарилган ишлар таҳлил қилинди.
Тадбир давомида ҳар бир соҳа бўйича эришилган натижалар танқидий-таҳлилий асосда кўриб чиқилиб, мавжуд камчиликлар ва уларнинг келиб чиқиш сабаблари муҳокама этилди. Шунингдек, хизмат фаолияти самарадорлигини янада ошириш, аҳоли осойишталигини таъминлаш, ҳуқуқбузарликларнинг барвақт олдини олиш, рақамли технологиялардан самарали фойдаланиш ҳамда хизмат интизомини мустаҳкамлаш юзасидан масъул раҳбарларга аниқ вазифа ва топшириқлар берилди.
Ички ишлар вазири ўринбосари генерал-майор Баходир Мирзарахимов ўз сўзида ҳар бир раҳбар ва ходим зиммасига юклатилган вазифаларни юксак масъулият билан бажариши, халқ манфаатларига хизмат қилиш, мурожаатларга ўз вақтида ва сифатли ечим топиш, жиноятчиликка қарши курашишда замонавий ёндашувларни кенг қўллаш муҳимлигини алоҳида таъкидлади.
Йиғилиш якунида йилнинг иккинчи ярмида амалга оширилиши лозим бўлган устувор вазифалар белгилаб олинди ҳамда соҳада юқори натижаларга эришган бир қатор ходимлар муносиб рағбатлантирилди.
Мазкур сарҳисоб йиғилиши келгусида ички ишлар органлари фаолияти самарадорлигини янада ошириш, аҳоли хавфсизлиги ва жамоат тартибини таъминлаш борасидаги ишлар изчил давом эттирилишини белгилаб берди.
Транспорт ва туризм объектларида хавфсизликни таъминлаш Департаменти Ахборот гуруҳи