Қашқадарё вилояти ИИБ раҳбарияти бошчилигида қабул жараёнларини хавфсиз ва шаффоф ташкил этиш масалалари муҳокама қилинди
2026-07-16 11:00:00 / Янгиликлар
Қашқадарё вилоятида олий таълим муассасаларига қабул жараёнларини хавфсиз, тартибли ва шаффоф ташкил этиш мақсадида Қашқадарё вилояти ИИБ бошлиғи полковник Абдувоҳид Исмоилов раҳбарлигида йиғилиш ўтказилди.
Йиғилишда Қарши шаҳар ҳокими Нормўмин Холбоев, тегишли ташкилотлар раҳбарлари, тест маркази масъул ходимлари ҳамда ҳуқуқни муҳофаза қилувчи органлар вакиллари иштирок этди.
Тадбир давомида 2026–2027 ўқув йили учун Қарши шаҳридаги «Насаф» стадионида ташкил этилган тест синовларини юқори савияда ўтказиш, жамоат тартибини таъминлаш, абитуриентлар ва уларнинг ота-оналари учун хавфсиз ҳамда қулай муҳит яратиш масалалари муҳокама қилинди.
Вилоят ИИБ бошлиғи Абдувоҳид Исмоилов барча масъулларга хизматни кучайтирилган тартибда ташкил этиш, ҳудудларда жамоат хавфсизлигини таъминлаш, назорат-ўтказиш постлари фаолиятини самарали йўлга қўйиш, абитуриентларни шахсини тасдиқловчи ҳужжатлар асосида тартибли киритиш, фавқулодда ҳолатларнинг олдини олиш ҳамда фуқароларга хушмуомала муносабатда бўлиш юзасидан аниқ йўриқнома ва топшириқлар берди.
Қашқадарё вилояти ИИБ Ахборот хизмати