Сирдарё вилоятида «Хавфсиз ва соғлом юрт» тадбирлари самарадорлиги таҳлил қилинди
2026-07-12 11:40:00 / Янгиликлар
Ўзбекистон Республикаси ички ишлар вазирининг ўринбосари Рамазон Ашропов томонидан Сирдарё вилоятига амалга оширилган хизмат ташрифи давомида «Хавфсиз ва соғлом юрт» комплекс тезкор-профилактик тадбирлари доирасида жамоат хавфсизлигини таъминлаш, ҳуқуқбузарлик ва жиноятчиликнинг олдини олиш борасида амалга оширилаётган ишлар кўздан кечирилди.
Ташриф давомида Сирдарё вилояти Ички ишлар бошқармаси ҳамда Гулистон шаҳар ички ишлар бошқармасида ташкил этилган «Хавфсиз ва соғлом юрт» штаблари фаолияти кўздан кечирилиб, хизматларнинг ўзаро ҳамкорлиги, белгиланган вазифалар ижроси ҳамда ишларни самарали ташкил этиш масалалари муҳокама қилинди.
Шунингдек, комплекс тадбирлар доирасида ҳуқуқбузарликларнинг олдини олиш, жиноятчиликка қарши курашиш, аҳоли мурожаатларига тезкор муносабат билдириш ҳамда давлат идоралари билан ҳамкорликни янада такомиллаштириш бўйича амалга оширилаётган ишлар юзасидан тегишли кўрсатма ва топшириқлар берилди.
Тадбирлар самарадорлигини янада ошириш, ҳар бир ҳудудда хавфсиз муҳитни таъминлаш ва профилактик чора-тадбирларни тизимли давом эттириш юзасидан масъул раҳбарларга аниқ вазифалар белгилаб берилди.
Сирдарё вилояти ИИБ Ахборот хизмати