Фарғона вилояти ИИБ раҳбарияти томонидан Қўқон ва Фарғона шаҳарларида хизмат фаолиятининг биринчи ярим йиллик якунлари танқидий таҳлил қилинди
2026-07-11 09:00:00 / Янгиликлар
Фарғона вилояти ИИБ раҳбарияти томонидан Қўқон ва Фарғона шаҳар ички ишлар бошқармаларида жорий йилнинг биринчи ярим йиллиги якунларига бағишланган таҳлилий йиғилишлар ўтказилди.
Вилоят ИИБ бошлиғи, полковник Аюбхон Раҳматуллаев иштирокида ташкил этилган йиғилишларда жамоат хавфсизлигини таъминлаш, жиноятчиликни жиловлаш, маҳаллаларда хавфсиз ва осойишта муҳитни яратиш, фуқароларнинг ҳуқуқ ва қонуний манфаатларини ҳимоя қилиш борасида амалга оширилган ишлар атрофлича сарҳисоб қилинди.
Йиғилишлар давомида ҳар бир соҳавий хизмат фаолияти чуқур таҳлил қилиниб, Президентимизнинг тегишли қарорига мувофиқ маҳаллаларда ишлаш, жиноят содир этилишига сабаб бўлаётган омилларни аниқлаш ва уларни бартараф этиш, профилактика ишларини янги тизим асосида ташкил этиш борасида амалга оширилаётган чора-тадбирлар муҳокама қилинди.
Шунингдек, тезкор-қидирув, пробация хизмати, жамоат тартибини сақлаш, йўл ҳаракати хавфсизлигини таъминлаш, тергов ҳамда кадрлар билан ишлаш йўналишлари кесимида эришилган натижалар ва мавжуд камчиликлар бирма-бир кўриб чиқилди.
Йиғилишларда хизмат самарадорлигини янада ошириш, криминоген вазият барқарорлигини таъминлаш, ҳуқуқбузарлик ва жиноятларнинг барвақт олдини олиш бўйича устувор вазифалар белгилаб берилди.
Шу билан бирга, аниқланган камчиликларни қисқа муддатларда бартараф этиш ҳамда ҳар бир йўналиш бўйича масъул раҳбарлар фаолиятини кучайтириш юзасидан мутасаддилар олдига аниқ вазифалар юклатилди.
Фарғона вилояти ИИБ Ахборот хизмати