«Хавфсиз ва соғлом юрт» тадбири доирасида Тошкент вилоятида гиёҳванд моддаларнинг ноқонуний айланмасига чек қўйилди
2026-07-11 09:00:00 / Янгиликлар
«Хавфсиз ва соғлом юрт« кенг қамровли тезкор-профилактик тадбирининг иккинчи босқичи доирасида Тошкент вилояти ИИББ соҳавий хизматлари ва қуйи тизим ходимлари томонидан гиёҳвандликнинг ҳар қандай кўринишига қарши кескин ва муросасиз кураш олиб борилмоқда.
Хусусан, Бўстонлиқ туманида ИИБ ва ДХХ ҳудудий бошқармаси тезкор ходимлари томонидан ҳамкорликда ўтказилган назорат тадбири давомида «Бурчмулла» МФЙда яшовчи 1982 й.т. фуқаро У.К. далилий ашёлар билан ушланган.
Ушбу шахс яшаш хонадонида жами 13 дона шиша идишлар ва қоғоз ўрамларида марихуана гиёҳвандлик воситасини сақлаб келаётганлиги ҳамда хонадон ҳовлисида 10 туп каннабис гиёҳвандлик ўсимликларини парваришлаб етиштираётганлиги аниқланган.
Мазкур ҳолат юзасидан 44 ёшли У.К.га нисбатан Ўзбекистон Республикаси Жиноят кодексининг 273-моддаси 5-қисми билан жиноят иши қўзғатилиб, ҳозирда тергов ҳаракатлари олиб борилмоқда.
Тошкент вилояти бўйлаб гиёҳвандлик воситаларининг ноқонуний муомаласига қарши курашиш борасидаги тезкор-профилактик тадбирлар изчил давом эттирилмоқда.
Тошкент вилояти ИИББ Ахборот хизмати