ИИВ раҳбарияти томонидан “Хавфсиз ва соғлом юрт” кенг қамровли тезкор-профилактик тадбирларини Қашқадарё вилояти ҳудудида самарали ташкил этиш бўйича зарур чора-тадбирлар белгиланди
2026-07-10 14:30:00 / Янгиликлар
Қашқадарё вилояти Ички ишлар бошқармасида Ички ишлар вазирининг ўринбосари, полковник Рамазон Ашропов раҳбарлигида йиғилиш ўтказилди.
Йиғилишда республика ҳудудида ўтказилаётган “Хавфсиз ва соғлом юрт” кенг қамровли тезкор-профилактик ойлиги доирасида жамоат тартибини сақлаш, ҳуқуқбузарликлар ва жиноятларнинг олдини олиш, криминоген вазиятни барқарорлаштириш, фуқароларнинг ҳаёти ва мол-мулки дахлсизлигини ишончли таъминлаш, профилактик тадбирлар самарадорлигини янада ошириш, соҳавий хизматлар ўртасидаги ҳамкорликни мустаҳкамлаш ҳамда мавжуд куч ва воситалардан самарали фойдаланиш масалалари атрофлича муҳокама қилинди.
Шунингдек, ҳудудларда ҳуқуқбузарликларнинг барвақт олдини олиш, жиноятчиликка қарши курашиш, аҳоли билан манзилли ишлаш ва профилактик тадбирларни сифатли ташкил этиш юзасидан амалга оширилиши лозим бўлган устувор вазифалар белгилаб олинди.
Йиғилиш якунида барча ҳудудий ва соҳавий хизматлар раҳбарларига белгиланган топшириқлар ижросини ўз вақтида, тўлиқ ва сифатли таъминлаш, хизмат интизоми ҳамда шахсий масъулиятни янада кучайтириш юзасидан аниқ кўрсатмалар берилди.
Қашқадарё вилояти ИИБ Ахборот хизмати