Наманган вилояти Давлатобод туманида жамоат хавфсизлигини таъминлашга қаратилган тунги хизмат фаолияти ҳамда оммавий тадбирлар хавфсизлиги юзасидан амалга оширилаётган ишлар ўрганилди
2026-07-10 12:10:00 / Янгиликлар
Наманган вилояти Ички ишлар бошқармаси, Миллий гвардия ҳамда Фавқулодда вазиятлар бошқармаси раҳбарлари томонидан Давлатобод туманида жамоат хавфсизлигини таъминлашга жалб этилган ходимларнинг тунги хизмат фаолияти ўрганилди.
Ўрганишлар давомида аҳоли осойишталигини таъминлаш, ҳуқуқбузарлик ва жиноятларнинг барвақт олдини олиш ҳамда тунги хизматни самарали ташкил этиш юзасидан олиб борилаётган ишлар кўздан кечирилди. Хусусан, «Орзу», «Юксалиш» ва «Тадбиркор» маҳаллаларида хизмат олиб бораётган тунги нарядларнинг фаолияти, ҳудуддаги кўп қаватли уй-жой массивлари хавфсизлиги ҳамда видеокузатув тизимлари орқали олиб борилаётган назорат ҳолати ўрганилди.
Шунингдек, Янги Ўзбекистон боғида ўтказилиши режалаштирилган оммавий тадбирлар давомида жамоат хавфсизлигини таъминлаш, фуқароларнинг хавфсиз ҳаракатланиши, куч ва воситаларни самарали жойлаштириш ҳамда хизматлараро ҳамкорликни ташкил этиш юзасидан кўрилаётган хавфсизлик чора-тадбирлари ҳам таҳлил қилинди.
Ўрганишлар давомида жамоат хавфсизлигини таъминлаш, ҳуқуқбузарликларнинг барвақт олдини олиш, хизмат самарадорлигини ошириш ва рақамли назорат имкониятларидан унумли фойдаланиш бўйича масъул раҳбарлар томонидан ходимларга тегишли кўрсатма ва топшириқлар берилди.
Наманган вилояти ИИБ Ахборот хизмати