ИИВ ЖХД Йўл ҳаракати хавфсизлиги хизмати раҳбари томонидан Тошкент шаҳри йўлларида ўрганиш ишлари олиб борилди
2026-07-09 15:18:00 / Янгиликлар
Ҳаракат иштирокчилари учун янада қулай ва хавфсиз шароит яратиш, йўл инфратузилмасини такомиллаштириш мақсадида ИИВ ЖХД Йўл ҳаракати хавфсизлиги хизмати раҳбари томонидан “ТХАЙ” кўчасида амалга оширилаётган қурилиш ва реконструкция ишлари ўрганилди.
Ўрганишлар давомида “Уч қаҳрамон“ айланма йўлида олиб борилаётган қурилиш ишлари кўздан кечирилди. Шунингдек, “Уч қаҳрамон“ айланма йўлидан “ТХАЙ” ва “Боғишамол” кўчалари кесишган чорраҳагача бўлган ҳудудда амалга оширилиши режалаштирилган реконструкция лойиҳаси билан танишилди.
Бундан ташқари, “ТХАЙ” ва “Изза” кўчалари кесишган чорраҳада олиб борилаётган қурилиш ишлари ҳам ўрганилди.
Ўрганишлар жараёнида ҳаракат иштирокчилари учун янада қулай ва хавфсиз шароит яратиш, транспорт оқимини самарали ташкил этиш, тирбандликларни камайтириш ҳамда пиёдалар хавфсизлигини таъминлашга қаратилган ечимлар юзасидан муҳокамалар ўтказилди.
Шу билан бирга, қурилиш ишлари давомида аниқланган айрим камчиликлар ва мавжуд муаммолар юзасидан масъул ташкилотлар раҳбарлари ҳамда мутасаддиларга уларни қисқа муддатларда бартараф этиш, қурилиш ишларини белгиланган талаблар асосида сифатли якунлаш, ҳаракат иштирокчилари учун юзага келиши мумкин бўлган ноқулайликларни минималлаштириш бўйича аниқ топшириқлар берилди ҳамда тегишли таклиф ва тавсиялар илгари сурилди.