ИИВ Жамоат хавфсизлиги департаменти ҳамда Республика «Истиқболли авлод» ижтимоий-ахборот маркази ўртасида меморандум имзоланди
2026-07-08 10:00:00 / Янгиликлар
2026 йил 6 июль куни Ўзбекистон Республикаси Ички ишлар вазирининг биринчи ўринбосари – Жамоат хавфсизлиги департаменти бошлиғи генерал майор Рустам Джураев ҳамда «Истиқболли авлод» ижтимоий-ахборот маркази бошқарув раиси ўринбосари Касимова Шохида Саидвалиевна билан учрашуви бўлиб ўтди.
Учрашувда хотин-қизларга ва болаларга нисбатан тазйиқ ва зўравонликни олдини олишда, вояга етмаганлар ўртасида жиноятчиликни олдини олиш бўйича халқаро тажрибани ўрганиш, инспектор-психологларни, Вояга етмаганларга ижтимоий-ҳуқуқий ёрдам кўрсатиш марказлари ходимларини халқаро экспертлар томонидан ўқитиш бўйича батафсил суҳбат олиб борилди.
Шу билан бирга, 2023 йилнинг 11 апрель куни тасдиқланган «Хотин-қизлар ва болалар ҳуқуқлари, эркинликлари ҳамда қонуний манфаатларини ишончли ҳимоя қилиш тизими янада такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги Ўзбекистон Республикаси Қонуни борасида фикр алмашилди.
ИИВ Жамоат хавфсизлиги департаменти «Истиқболли авлод» ижтимоий-ахборот маркази ва билан ҳамкорлик қилиш учун иш режасини ишлаб чиқиш келишиб олинди.
ИИВ Жамоат хавфсизлиги департаменти Ахборот хизмати