Сурхондарё вилояти ҳокими Қўриқлаш хизмати фаолияти билан яқиндан танишиб, "Хавфсиз ва соғлом юрт" тадбири доирасида амалга ошириладиган ишларни муҳокама қилди
2026-07-04 09:00:00 / Янгиликлар
Сурхондарё вилояти ҳокими Улуғбек Қосимов Қўриқлаш хизматига ташриф буюриб, тизим фаолияти, хизматни ташкил этиш жараёнлари ҳамда замонавий қўриқлаш технологиялари билан яқиндан танишди.
Ташриф давомида масъул раҳбарлар томонидан қўриқлаш хизматининг асосий йўналишлари, мавжуд техник имкониятлар, марказлашган кузатув пультлари, тезкор ҳаракатланувчи гуруҳлар фаолияти, шунингдек, муҳим ва тоифаланган объектлар хавфсизлигини таъминлаш борасида амалга оширилаётган ишлар юзасидан батафсил маълумот берилди.
Шунингдек, замонавий сигнализация ва видеокузатув тизимлари, қўриқлашда фойдаланилаётган махсус техника ва жиҳозлар намойиш этилиб, уларнинг имкониятлари ҳамда афзалликлари амалий тарзда кўрсатиб берилди.
Вилоят ҳокими Қўриқлаш хизмати фаолиятини янада такомиллаштириш, хизмат самарадорлигини ошириш ҳамда «Хавфсиз ва соғлом юрт тадбири« доирасида аҳоли ва тадбиркорлик субъектлари ўртасида қўриқлаш хизматларининг афзалликларини кенг тарғиб этиш, тушунтириш ва тарғибот ишларини изчил кучайтириш бўйича масъулларга тегишли вазифалар берди.
Шунингдек, фуқаролар ва хўжалик юритувчи субъектларни замонавий қўриқлаш тизимларидан кенг фойдаланишга жалб этиш, хизмат кўламини кенгайтириш ҳамда аҳолининг хавфсизлик маданиятини юксалтириш юзасидан аниқ топшириқлар белгиланди.
Сурхондарё вилояти ИИБ Ахборот хизмати