ИИВ ҳузуридаги Миграция ва персоналлаштириш департаменти раҳбарияти Қорақалпоғистон Республикасида соҳа фаолиятини ўрганди
2026-06-28 09:00:00 / Янгиликлар
Ўзбекистон Республикаси Президентининг 2026 йил 5 январь кунидаги «Республика маҳаллаларида хавфсиз муҳитни яратиш йўналишида яхлит манзилли ишлаш тизимини жорий этишга қаратилган қўшимча чора-тадбирлар тўғрисида» ПҚ–1 ва ПҚ–2-сонли қарорлари ва Ички ишлар вазири раҳбарлигида ўтказилган йиғилиш баёнларида берилган топшириқлар ижроси юзасидан Ўзбекистон Республикаси ИИВ ҳузуридаги Миграция ва персоналлаштириш департаменти бошлиғи полковник Улуғбек Шухратович Ташходжаев томонидан жорий йилнинг 25 – 26 июнь кунлари Қорақалпоғистон Республикасига хизмат сафарига чиқиб, хизмат сафари давомида Амударё, Беруний, Тўрткўл, Тахиатош ва Кегейли туманлари ИИБлари ва Қорақалпоғистон Республикаси ИИВ ҳузуридаги Миграция ва персоналлаштириш бошқармасининг фаолияти, шунингдек, ҳудудда фаолият юритаётган маҳалла фуқаролар йиғинидаги «маҳалла еттилиги»нинг хизмат фаолиятлари жойига чиққан ҳолда ўрганилди.
Ўрганиш давомида, соҳа фаолиятини янада такомиллаштириш, иш самарадорлигини янада ошириш юзасидан масъул раҳбар ва ходимларга тегишли тавсиялар берилди.
Шунингдек, хизмат сафари давомида Ўзбекистон Республикасининг фуқаролиги тўғрисидаги қонуни талаблари асосида Ўзбекистон Республикаси фуқаролигига тан олинган бир қатор шахсларга Ўзбекистон Республикаси шахс гувоҳномаси ID-карталари тантанали равишда топширилди.
ИИВ ҳузуридаги Миграция ва персоналлаштириш департаменти