Ўзбекистон ва Америка Қўшма Штатлари ўртасида ҳамкорлик алоқалари мустаҳкамлаш юзасидан учрашув бўлиб ўтди
2026-06-26 11:00:00 / Янгиликлар
2026 йил 24 июнь куни Ўзбекистон Республикаси Криминология тадқиқот институти АҚШ Давлат Департаментининг Марказий Осиё бўйича Гиёҳванд моддаларни назорат қилиш ва ҳуқуқни муҳофаза қилиш масалалари бюроси (INL) дастурлари координатори Жаноб Кайл Ожима бошчилигидаги АҚШ делегацияси қабул қилди.
Учрашув давомида Ўзбекистон Республикаси Криминология тадқиқот институтининг ташкил этилиши тарихи, криминология соҳасида халқаро ва хорижий ташкилотлар билан алоқалар, илмий-тадқиқот муассасалари билан ташкил этилган самарали илмий ҳамкорлик, шунингдек, қўшма илмий-амалий тадқиқотларни амалга оширишдаги янги тажрибалар ҳамда фаолияти юзасидан тақдимоти билан таништирилди.
АҚШ делегацияси вакиллари мамлакатимизда олиб борилаётган ҳуқуқбузарликларнинг барвақт олдини олиш, илмий жиҳатдан жиноятларни тенденциялари ва омилларини аниқлаш амалиёти, ушбу соҳада амалга оширилаётган илмий лойиҳалар, шу жумладан, янги ишлаб чиқилаётган қонун лойиҳалари ҳамда превентив чораларга йўналтирилган механизмларни жорий этиш борасидаги саъй-ҳаракатларни юқори баҳолади.
Учрашув давомида хорижий давлатларда хусусан АҚШда криминологик тадқиқотлар олиб борувчи бир қатор илмий муассасалар мавжуд бўлиб, хусусан Флорида штати университети Криминология ва давлат сиёсати тадқиқотлар маркази (АҚШ), Огаё Криминологик тадқиқотлар маркази (АҚШ) ҳамда Америка криминология жамияти билан алоқаларни ўрнатиш ҳамда криминологик тадқиқотлар ва таҳлил билан боғлиқ йўналишларда АҚШнинг масъул идоралари билан ҳамкорликни янада мустаҳкамлашга келишиб олинди.
Хусусан, INL томонидан криминология тадқиқотлари натижалари бўйича ишлаб чиқиладиган тавсияларни амалиётга татбиқ этишда ҳамкорликда иш олиб боришга тайёр эканлиги билдирилди.
Ўзбекистон Республикаси Криминология тадқиқот институти