Ўзбекистон Ички ишлар вазири бошчилигидаги делегация МДҲга аъзо давлатлар Ички ишлар вазирлари Кенгашининг навбатдаги йиғилишида қатнашиш учун Минск шаҳрига ташриф буюрдилар
2024-08-08 16:55:00 / Янгиликлар
Ўзбекистон Республикаси Ички ишлар вазири генерал-лейтенант Пўлат Бобожонов бошчилигидаги делегация Мустақил давлатлар ҳамдўстлигига аъзо давлатлар Ички ишлар вазирлари Кенгашининг навбатдаги йиғилишида қатнашиш учун Беларусь Республикасининг Минск шаҳрига ташриф буюрдилар.
Тадбир жараёнида МДҲга аъзо мамлакатларнинг ички ишлар вазирларини Беларусь Республикаси Президенти Александр Лукашенко қабул қилди.
Учрашувда томонлар халқаро майдонда терроризм, экстремизм, наркотрафик ва уюшган жиноятчиликка қарши курашиш, шунингдек, киберхавфсизлик, ноқонуний миграция ва туристларни хавфсизлигини таъминлаш соҳаларида ҳамкорлик механизмларининг самарадорлигини ошириш масалалари муҳокама қилинди.