Қашқадарё ва Фарғона вилояти ИИБ Тезкор-қидирув хизмати ходимлари томонидан ер ресурсларини ноқонуний равишда сотмоқчи бўлган шахслар аниқланди
2024-08-08 16:10:00 / Янгиликлар
Қашқадарё вилояти ИИБ ТҚХ томонидан Қарши шаҳрида ўтказилган тезкор тадбир давомида, «Насаф-Нахшаб қурилиш» МЧЖ раҳбари ва «Асл Арх лойиҳа» МЧЖ инженери, ўзаро тил бириктириб 17 сотих ер майдонини ноқонуний сотишга келишишганлиги аниқланди.
Улар 1979 йилда туғилган, фуқарога 2020 йилда Қарши тумани ҳудудидан иссиқхона учун ажратилган бўш ер майдонини 16.000 АҚШ долларига сотишни айтишган. Шунингдек мансабдор танишлари орқали расмийлаштириб беришни ваъда қилиб, олдиндан 127.000.000 сўм пулларни бўнак (аванс) сифатида олган вақтида тезкор тадбир иштирокчилари томонидан ашёвий далиллар билан қўлга олинди.
22 июнь куни, Фарғона вилояти, Бешариқ туманида ўтказилган тезкор тадбир давомида эса 1977 йилда шахс 1990 йилда туғилган, фуқарога Бешариқ тумани, ҳудудида жойлашган Қўқон давлат ўрмон хўжалиги томонидан ижарага берилган 4 гектар ер майдонини 16.000 АҚШ долларига сотишга келишганлиги аниқланди. Ушбу пуллардан аванс (бўнак) тариқасида 10.000 АҚШ долларини олган вақтда ашёвий далиллар билан ушланган.
Ҳар икки ҳолат бўйича ЖКнинг 168-моддаси 3-қисми «а» банди билан жиноят иши қўзғатилиб тергов ҳаракатлари олиб борилмоқда.
ИИВ Тезкор-қидирув департаменти