Қашқадарё вилояти ИИБ раҳбарияти иштирокида танқидий муҳокама йиғилиши ўтказилди
2026-06-24 09:00:00 / Янгиликлар
Вилоят Ички ишлар бошқармаси бошлиғи, вилоят ҳокими ўринбосари, туман ҳокими, Маҳалла ва оилани қўллаб-қувватлаш бўлими ва унинг таркибидаги маҳаллалар, «Обод» маҳалла фуқаролар йиғини фаоллари, профилактика инспекторлари ҳамда кенг жамоатчилик вакиллари иштирок этган муҳокама йиғилиши танқидий руҳда ўтказилди.
Унда бошқарма бошлиғи, полковник Абдувохид Исмоилов содир этилган жиноятни юзага келтирган омилларни атрофлича таҳлил қилди. Маҳалла еттилиги фаолиятида сусткашликка йўл қўйиб бўлмаслигини танқид остига олди.
Шаръий равишда никоҳланиб яшаш ҳолатлари кўп учраётгани, бундай ҳолатлар оилавий муносабатларга зарар бериши каби ҳолатлар мисоллар ёрдамида тушунтирилди.
Низоли оилалар билан кўпроқ ишлаш, болалар тарбиясида ота-оналарнинг ўрни бўйича профилактик суҳбатлар, тарғиботларни кучайтириш лозимлиги таъкидланди.
Туман ҳудудида содир этилган жиноятлар юзасидан туман раҳбарлари, маҳалла еттилиги «фуқаробай» ва «хонадонбай» ишларни янада жонлантириши, вақтида профилактик ишларни амалга ошириши, берилган топшириқлар юзасидан фаолиятни режа асосида олиб бориш мажбурияти юкланди.
Қашқадарё вилояти ИИБ Ахборот хизмати