Жиззах вилояти Ички ишлар бошқармасида ҳудуддаги криминоген вазиятни ўрганиш бўйича олиб борилган илмий-амалий тадқиқотлар натижаларига бағишланган йиғилиш ўтказилди
2026-06-23 14:10:00 / Янгиликлар
Тадбирда Ўзбекистон Республикаси Криминология тадқиқот институти мутахассислари томонидан вилоятдаги жиноятчилик ҳолати ҳудудлар кесимида таҳлил қилиниб, жиноятларнинг келиб чиқишига таъсир этувчи асосий омиллар ва мавжуд муаммолар юзасидан маълумотлар тақдим этилди.
Шунингдек, тадқиқот натижалари асосида ҳуқуқбузарликлар профилактикаси самарадорлигини ошириш, хавф гуруҳига мансуб шахслар билан манзилли ишлаш, замонавий криминологик таҳлил усулларини амалиётга кенг жорий этиш ҳамда жиноятчиликнинг барвақт олдини олишга қаратилган таклиф ва тавсиялар илгари сурилди.
Тадбир якунида криминоген вазиятни барқарорлаштириш ва профилактика тизимини янада такомиллаштириш бўйича устувор вазифалар белгилаб олинди.