Жиззах вилояти Фориш туманида маҳаллалар ўртасида волейбол мусобақаси ўтказилди
2026-06-21 09:45:00 / Янгиликлар
Фориш туманида ёшлар ўртасида соғлом турмуш тарзини тарғиб қилиш ва уларнинг бўш вақтини мазмунли ташкил этиш мақсадида маҳаллалар ўртасида волейбол мусобақаси ўтказилди. Тадбир Оқтепа маҳалласидаги 34-умумтаълим мактабида юқори кайфият ва қизғин рақобат муҳитида бўлиб ўтди.
Мусобақа давомида жамоалар ўз маҳоратларини намойиш этиб, спортга бўлган қизиқиш ва интилишларини кўрсатдилар. Ғолибларни тақдирлаш маросимида Жиззах вилояти ИИБ бошлиғи иштирок этиб, ёшлар тарбиясида спортнинг аҳамияти, соғлом турмуш тарзини шакллантириш ва бўш вақтни самарали ташкил этишдаги ўрнини таъкидлади.
Тадбир давомида ғолиб ва совриндор жамоалар диплом, фахрий ёрлиқ ҳамда эсдалик совғалари билан тақдирланди. Тадбир ёшлар ўртасида спортни оммалаштириш ва маҳаллалар ўртасидаги ҳамжиҳатликни мустаҳкамлашга хизмат қилди.