Ички ишлар органлари ёш ходимлари ва ҳарбий хизматчиларининг «Янги Ўзбекистонни ёшлар қуради!» шиори остидаги VI Республика ёшлар форуми ғолиблари тақдирланди
2026-06-19 09:45:00 / Янгиликлар
Ички ишлар органлари ёш ходимлари ва ҳарбий хизматчиларининг «Янги Ўзбекистонни ёшлар қуради!» шиори остидаги VI Республика ёшлар форуми якунланди.
Форум давомида Жанговар марш, Энг яхши paramedik, CrossFit, Келажак ўйинлари, Заковат интеллектуал танлови ҳамда Волейбол мусобақалари ўтказилиб, ёш ходимларнинг жисмоний тайёргарлиги, жанговар шайлиги, билим салоҳияти ва жамоавийлик кўникмалари синовдан ўтказилди.
Умумжамоа ҳисобидаги якуний натижаларига кўра, Самарқанд вилояти ИИБ жамоаси биринчи, Навоий вилояти ИИБ иккинчи, Жазони ижро этиш департаменти эса учинчи ўринни эгаллади.
Шунингдек, форум доирасида ўтказилган ҳар бир мусобақа ва танлов йўналиши бўйича ғолиб ҳамда совриндорлар, «Энг яхши ёшлар етакчиси» ва бошқа рағбатлантирувчи йўналишлар ғолиблари ҳам тақдирланди.
Тантанали маросимда Ички ишлар вазири ўринбосари, полковник Диёрбек Сатторов ва масъул раҳбарлар иштирок этиб, ғолиб ва совриндорларга кубоклар, медаллар, пул мукофотлари ҳамда эсдалик совғаларини топширди.
Форум ёш ходимларнинг касбий маҳорати, лидерлик салоҳияти, интеллектуал ва жисмоний тайёргарлигини янада ошириш, улар ўртасида ҳамжиҳатлик ва Ватанга садоқат туйғуларини мустаҳкамлашга хизмат қилди.