ИИВ Ёшлар форуми доирасида «Жанговар марш»да ходимларнинг матонати ва жанговар шайлиги синовдан ўтказилди
2026-06-16 23:10:00 / Янгиликлар
ИИВ Ёшлар форуми доирасида ташкил этилган «Жанговар марш» мусобақаси кескин ва муросасиз курашлар остида ўтди. Унда ИИОнинг таркибий ва ҳудудий бўлинмаларидан жами 17 та жамоа иштирок этди.
5 километр масофадаги мураккаб йўналишда иштирокчилар тўсиқлар йўлагидан ўтиш, шартли жароҳатланганни эвакуация қилиш, заҳарланган ҳудудни газниқобда босиб ўтиш, оғир юкларни ташиш ҳамда сув тўсиғидан ўтиш каби синовларни бажардилар.
Мусобақа давомида ходимлар жисмоний тайёргарлиги, руҳий барқарорлиги, касбий маҳорати ва жанговар жипслигини намоён этдилар.
Якуний натижаларга кўра, Навоий вилояти ИИБ жамоаси биринчи, ИИВ Қоровул қўшинлари жамоаси иккинчи ҳамда Самарқанд вилояти ИИБ жамоаси учинчи ўринни эгаллади.
Ёшлар форуми давом этмоқда.