Ўзбекистон Республикаси Ички ишлар вазирлигида БМТ Қочоқлар ишлари бўйича Олий комиссари бошқармаси (БМТ ҚОКБ) Марказий Осиё бўйича минтақавий ваколатхонаси раҳбари Маҳир Сафарли билан учрашув бўлиб ўтди
2026-06-10 19:25:00 / Янгиликлар
Учрашув давомида Ўзбекистон фуқаролиги бўлмаган шахсларнинг ҳуқуқ ва қонуний манфаатларини таъминлашга жиддий эътибор қаратаётгани алоҳида таъкидланди. Ички ишлар вазирлиги вакилларининг БМТ Қочоқлар ишлари бўйича Олий комиссари бошқармасининг соҳага оид тадбирларда, жумладан, Тошкент ва Ашхобод шаҳарларида ўтказилган минтақавий анжуманларда фаол иштирок этиши ходимларнинг касбий маҳоратини юксалтиришга ҳамда илғор халқаро тажрибани миллий амалиётга татбиқ этишга хизмат қилмоқда.
Маҳир Сафарли Ўзбекистоннинг инсон ҳуқуқларини ҳимоя қилиш борасидаги саъй-ҳаракатларини ҳамда халқаро институтлар билан ҳамкорликни чуқурлаштиришга тайёрлигини юқори баҳолади.
Учрашув якунида томонлар конструктив мулоқотни давом эттиришга, шунингдек, миграция сиёсатини янада такомиллаштириш ва фуқаролар ҳуқуқлари ишончли ҳимоя қилинишини таъминлашга қаратилган қўшма ташаббусларни амалга оширишга келишиб олди.