Бухоро вилояти ИИБ раҳбарияти ҳузурида бўлиб ўтган йиғилишда жамоат хавфсизлигини таъминлаш ва жиноятчиликнинг олдини олиш бўйича устувор вазифалар белгилаб олинди
2026-06-09 10:00:00 / Янгиликлар
Бухоро вилояти ИИБ бошлиғи ҳузурида вилоятимиз ҳудудида жамоат хавфсизлигини таъминлаш ҳамда жиноятчиликнинг барвақт олдини олиш самарадорлигини оширишга қаратилган йиғилиш ўтказилди.
Тадбирда ҳудудларда криминоген вазиятни барқарор сақлаш, ҳуқуқбузарликларнинг олдини олиш ҳамда жамоат хавфсизлигини таъминлаш борасида келгусида амалга оширилиши лозим бўлган ишлари юзасидан ахбороти тингланди.
Шунингдек, маҳаллалар кесимида мавжуд долзарб муаммолар, жиноятчиликка таъсир этувчи омиллар, профилактик тадбирлар самарадорлиги ҳамда масъул ходимлар фаолияти атрофлича таҳлил қилинди.
Муҳокама давомида аниқланган камчиликларни бартараф этиш, профилактик ишларни кучайтириш ва криминоген вазияти оғир бўлган қизил тоифадаги маҳаллаларда иш самарадорлигини ошириш юзасидан вазифалар белгиланди.
Хусусан, фуқаролар муаммоларини бевосита жойига чиққан ҳолда ўрганиб ижобий ҳал этиш, шунингдек, давлатимиз раҳбарининг ПҚ-1 ва ПҚ-2 қарорлари ҳамда “Чилонзор тажрибаси“ асосида аниқ чора-тадбирларни амалиётга татбиқ этиш бўйича масъулларга қатъий кўрсатма ва топшириқлар берилди.
Бухоро вилояти ИИБ Ахборот хизмати