ИИВ тиббиёт муассасалари фаолиятини такомиллаштириш масалалари муҳокама қилинди
2026-06-08 09:10:00 / Янгиликлар
Ички ишлар вазири ўринбосари, полковник Диёрбек Саттаров томонидан ИИВ Поликлиникаси ва ИИВ Марказий госпитали фаолиятини янада яхшилаш юзасидан ўрганиш ишлари олиб борилди.
Ташриф давомида муассасаларнинг моддий-техник базаси, беморлар учун яратилган шароитлар ва тиббий хизмат кўрсатиш жараёнлари кўздан кечирилди. Шунингдек, муассаса раҳбарлари томонидан амалга оширилаётган ишлар ҳамда келгусида соҳани ривожлантиришга қаратилган режалар бўйича тақдимотлар ўтказилди.
Муҳокамалар жараёнида тиббий хизматлар сифатини ошириш, даволаш ва диагностика жараёнларини такомиллаштириш, инфратузилмани янада яхшилаш ҳамда замонавий технологияларни кенг жорий этиш масалалари атрофлича кўриб чиқилди. Масъул раҳбарларга аниқ вазифа ва топшириқлар берилди. Шунингдек, вазир ўринбосари шифокорлар ва тиббиёт ходимлари билан мулоқот қилиб, уларнинг фикр ва таклифларини тинглади.
Учрашув якунида муассасалар фаолияти самарадорлигини ошириш ва тиббий хизматлар сифатини янги босқичга олиб чиқиш бўйича устувор вазифалар белгилаб олинди.