Андижон вилоятида ИИВ раҳбарияти томонидан «Ички ишлар вазири кубоги» мусобақаси ғолиблари тақдирланди ва «Ватанпарвар» оромгоҳидаги қурилиш ишлари кўздан кечирилди
2026-06-06 09:00:00 / Янгиликлар
Андижон вилоятида қўл жанги бўйича ўтказилган «Ички ишлар вазири кубоги» мусобақасининг финал баҳслари юқори савияда ташкил этилди.
Унда Ўзбекистон Республикаси Ички ишлар вазири ўринбосари — Маънавий ва маърифий ишлар ҳамда кадрлар билан таъминлаш департаменти бошлиғи Диёрбек Саттаров ҳамда Ички ишлар вазири ўринбосари — комплаенс ва коррупцияга қарши ички назорат бўйича Рустам Мирзаев иштирок этиб, мусобақа давомида юқори маҳорат ва иродани намоён этган спортчиларни муносиб тақдирладилар.
Ташриф доирасида ИИВ раҳбарияти Хонобод шаҳрида Андижон вилояти ИИБ тасарруфида барпо этилаётган «Ватанпарвар» ёзги болалар оромгоҳида бўлиб, қурилиш ишларининг бориши билан яқиндан танишдилар.
Мазкур оромгоҳ ички ишлар органлари ходимлари фарзандларининг мазмунли дам олиши, маънавий-маърифий ва ватанпарварлик руҳида тарбияланиши учун хизмат қилиши таъкидланиб, лойиҳани янада такомиллаштириш юзасидан тегишли таклиф ва тавсиялар билдирилди
Андижон вилояти ИИБ Ахборот хизмати