Тошкент шаҳар Қўриқлаш хизмати томонидан аҳоли хавфсизлигини таъминлаш, ҳуқуқбузарликларнинг барвақт олдини олиш мақсадида маҳаллалар ҳудудида кенг қамровли тарғибот-ташвиқот тадбирлари ташкил этилмоқда
2026-05-31 21:25:00 / Янгиликлар
Жумладан, куни кеча ташкил этилган бу каби навбатдаги тадбир доирасида Қўриқлаш хизмати ходимлари томонидан маҳаллаларда истиқомат қилувчи фуқаролар билан учрашувлар ўтказилиб, замонавий қўриқлаш воситалари ва техник хавфсизлик тизимларининг имкониятлари ҳақида батафсил маълумотлар берилди. Хусусан, турар жойлар, савдо ва хизмат кўрсатиш объектларини марказлаштирилган қўриқлаш пультига улаш, самарали фойдаланиш ҳамда мулк дахлсизлигини таъминлашнинг замонавий усуллари юзасидан тарғибот-тушунтириш ишлари олиб борилди.
Шунингдек, тадбир давомида фуқароларга ҳуқуқбузарликларнинг олдини олиш, шубҳали ҳолатлар юзага келганда “ташвиш“ тугмаларига мурожаат қилиш, шахсий ва мулкий хавфсизликни таъминлаш бўйича амалий тавсиялар берилди.
Мазкур профилактик тадбирлар аҳолининг ҳуқуқий онги ва хавфсизлик маданиятини юксалтириш, фуқароларда ҳушёрлик ва огоҳликни кучайтириш ҳамда маҳаллаларда криминоген вазият барқарорлигини таъминлашга хизмат қилмоқда.
Тошкент шаҳар Қўриқлаш хизмати томонидан амалга оширилаётган бундай кенг кўламли тадбирлар фуқароларнинг тинч ва осойишта ҳаёт кечириши, уларнинг мол-мулки ишончли ҳимоя қилиниши ҳамда жамоат хавфсизлигини таъминлаш борасидаги ишлар самарадорлигини янада оширишга қаратилган.
ИИВ ҳузуридаги Қўриқлаш департаменти