Наманган вилояти ИИБда фуқаролар мурожаатлари билан ишлаш самарадорлигини ошириш ҳамда ички ишлар органларидаги мавжуд бўш лавозимларга номзодларни жалб этиш бўйича ўқув семинари ўтказилди
2026-05-31 13:55:00 / Янгиликлар
Мазкур семинар Наманган вилояти ИИБ бошлиғининг ўринбосари иштирокида ўтказилиб, унда Бошқарма Маънавий-маърифий ишлар ва кадрлар билан таъминлаш хизмати шахсий таркиби, соҳавий хизмат ва шаҳар-туман ички ишлар бўлимлари бошлиқларининг маънавий-маърифий ишлар бўйича ўринбосарлари, шунингдек, соҳавий хизматларнинг масъул ходимлари қатнашди.
Семинар давомида жисмоний ва юридик шахсларнинг мурожаатлари билан ишлаш самарадорлигини ошириш, мурожаатларни қонуний ва ўз вақтида кўриб чиқиш борасида амалга оширилаётган ишлар таҳлил қилинди.
Шунингдек, ички ишлар органларидаги мавжуд бўш лавозимларни малакали кадрлар билан тўлдириш, номзодларни саралаш ва уларни хизматга жалб этиш бўйича олиб борилаётган ишлар кўриб чиқилиб, бу борадаги мавжуд камчиликлар ва уларни бартараф этиш юзасидан тегишли топшириқлар берилди.
Шу билан бирга, шахсий таркибнинг жисмоний ва жанговар тайёргарлиги ҳолати ҳам атрофлича кўриб чиқилди. Ходимларнинг касбий маҳоратини ошириш, хизмат вазифаларини самарали бажаришлари учун зарур бўлган жисмоний ва махсус тайёргарлик даражасини янада мустаҳкамлаш бўйича вазифалар белгиланди.
Семинар якунида раҳбарлар томонидан мавжуд муаммоларни бартараф этиш, белгиланган вазифаларни ўз вақтида ва сифатли ижро этиш ҳамда хизмат фаолияти самарадорлигини янада ошириш юзасидан тегишли кўрсатмалар берилди.
Наманган вилояти ИИБ Ахборот хизмати