Сирдарё вилояти ИИБ раҳбарияти Мирзаобод туманида криминоген вазиятни барқарорлаштириш борасида амалга оширилаётган ишлар билан танишди
2026-05-30 10:00:00 / Янгиликлар
Сирдарё вилояти ИИБ бошлиғи полковник Фаррух Хайдаров томонидан Мирзаобод туманида Ўзбекистон Республикаси Президентининг ПҚ–1 ва ПҚ–2-сон қарорлари ҳамда “Чилонзор тажрибаси” доирасида белгиланган вазифалар ижроси юзасидан ўрганиш ишлари олиб борилди.
Дастлаб, “Мирзачўл” маҳалласида жамоат хавфсизлигини таъминлаш, ҳуқуқбузарликлар профилактикаси, аҳоли билан манзилли ишлаш ҳамда криминоген вазият барқарорлигини сақлаш борасида амалга оширилаётган ишлар ўрганилди.
Ўрганишлар давомида туман ички ишлар бўлими бошлиғи томонидан давлат раҳбарининг ПҚ–1 қарори ва “Чилонзор тажрибаси” асосида амалга оширилган ишлар ҳамда маҳалладаги жиноятчилик ҳолати юзасидан тақдимот тингланди.
Шунингдек, маҳаллага бириктирилган профилактика инспекторининг хизмат фаолияти, муқаддам судланганлар, профилактик ҳисобда турувчи ва алоҳида тоифадаги шахслар томонидан жиноят ва ҳуқуқбузарликлар содир этилишининг олдини олиш бўйича амалга оширилаётган профилактик чора-тадбирлар таҳлил қилинди.
Ташриф давомида маҳалла ҳудудида ўрнатилган видеокузатув тизимлари фаолияти, профилактика инспектори учун ажратилган хизмат уйида яратилган шарт-шароитлар ҳамда савдо объектларида хавфсизликни таъминлаш борасидаги ишлар кўздан кечирилиб, масъулларга тегишли кўрсатма ва топшириқлар берилди.
Ўрганишлар якунида жиноятчилик ва ҳуқуқбузарликларнинг барвақт олдини олиш, аҳоли билан манзилли ишлаш самарадорлигини ошириш ҳамда белгиланган вазифалар ижросини таъминлаш юзасидан аниқ вазифалар белгилаб берилди.
Сирдарё вилояти ИИБ Ахборот хизмати