Ички ишлар вазирлиги раҳбарияти томонидан юртимиздаги умумтаълим мактабларида ўтказилган «Сўнгги қўнғироқ» тадбирларида иштирок этилиб, мактаб битирувчилари табрикланди
2026-05-25 18:00:00 / Янгиликлар
Тадбирлар давомида битирувчилар, устозлар ва ота-оналарга самимий тилаклар билдирилди.
Мазкур байрам тадбирида Ўзбекистон Республикаси ички ишлар вазирининг ўринбосари, генерал-майор Баходир Мирзарахимов ҳамда Қорақалпоғистон Республикаси ички ишлар вазири, полковник Бахтияр Торебеков сўзга чиқиб, ёшларни ватанпарварлик, юртга садоқат ва қонунга ҳурмат руҳида тарбиялаш муҳим аҳамиятга эга эканини таъкидладилар.
Шунингдек, битирувчиларнинг келгуси ҳаёт йўлида муваффақият қозониши ва юрт тараққиётига муносиб ҳисса қўшишига ишонч билдирилди.
Тадбир доирасида фаол ва намунали ўқувчилар тақдирланиб, битирувчилар учун маданий чиқишлар ташкил этилди, устозларга миннатдорлик сўзлари изҳор қилиниб, ёшларга хавфсизликни таъминлаш ҳамда ҳуқуқбузарликларнинг олдини олиш бўйича тавсиялар берилди.
«Сўнгги қўнғироқ» тадбири кўтаринки кайфият ва байрамона муҳитда ўтди.
Қорақалпоғистон Республикаси ИИВ Ахборот хизмати