Наманган шаҳрида бўлиб ўтадиган 65-Халқаро гуллар фестивали ўтказиладиган ҳудудлардаги хавфсизлик чора-тадбирлари ўрганилди
2026-05-23 20:30:00 / Янгиликлар
Наманган вилоятида ҳар йили анъанавий тарзда ўтказиб келинаётган Халқаро гуллар фестивалини юқори савияда, кўтаринки руҳда ҳамда хавфсиз шароитларда ташкил этиш мақсадида ички ишлар органлари ва бошқа ҳуқуқни муҳофаза қилувчи идоралар ходимлари томонидан ҳамкорликда кучайтирилган тартибда туну кун хизмат олиб борилмоқда.
Бугун Наманган вилояти ИИБ, Миллий гвардия ҳамда Фавқулодда вазиятлар бошқармаси раҳбарлари томонидан фестивал ўтказиладиган “Заҳириддин Муҳаммад Бобур” номидаги маданият ва истироҳат боғи ҳамда унга туташ кўчаларда кўрилган хавфсизлик чора-тадбирлари, ёнғин хавфсизлиги талаблари, жамоат тартибини сақлаш, фуқаролар ва меҳмонларнинг хавфсиз ҳаракатланишини таъминлаш бўйича амалга оширилган ишлар атрофлича ўрганилди.
Шунингдек, фестивал давомида юзага келиши мумкин бўлган турли нохуш ҳолатларнинг олдини олиш, ёъл ҳаракати хавфсизлигини таъминлаш, савдо ва хизмат кўрсатиш нуқталарида тартиб-интизомни кучайтириш юзасидан масъул раҳбар ва ходимларга тегишли топшириқ ҳамда кўрсатмалар берилди.
Наманган вилояти ИИБ Ахборот хизмати