Наманган вилояти ИИБ раҳбарияти томонидан маҳаллаларда комплекс ўрганиш ишлари олиб борилиб, жиноятлар муҳокама қилинди
2026-05-23 19:25:00 / Янгиликлар
Вилоят ҳудудида жиноятчиликка қарши курашиш, ҳуқуқбузарликларнинг барвақт олдини олиш ҳамда ПҚ-1 ва ПҚ-2-сон қарорлари ижросини таъминлаш мақсадида манзилли профилактик ишлар тизимли равишда ташкил этилмоқда.
Жумладан, бошқарма бошлиғи раҳбарлигидаги ишчи гуруҳ Норин туманининг “Хўжобод” ва “Катта Яйдоқ”, шунингдек, Учқўрғон туманининг “А.Навоий” ҳамда “Катта Мўғол” маҳаллаларида бўлиб, ҳудудлардаги профилактика инспекторларининг хизмат фаолияти, маҳалла ходимлари ва тегишли идоралар билан ўзаро ҳамкорлиги атрофлича ўрганилди.
Шу билан бирга, мазкур ҳудудларда содир этилган ўта оғир турдаги жиноятларнинг келиб чиқиш сабаблари ва омиллари танқидий-таҳлилий муҳокама қилинди.
Ўрганишлар давомида жиноят ва ҳуқуқбузарликларнинг олдини олиш бўйича манзилли ишларни кучайтириш, профилактик тадбирлар самарадорлигини ошириш ҳамда фуқаролар билан ишлаш тизимини янада такомиллаштириш юзасидан масъулларга аниқ топшириқ ва кўрсатмалар берилди.
Наманган вилояти ИИБ Ахборот хизмати