Қашқадарё вилоятининг Ғузор туманида жиноят ва ҳуқуқбузарликларнинг олдини олиш, аҳоли тинчлиги ва жамоат хавфсизлигини таъминлаш мақсадида кенг кўламли профилактик тадбирлар амалга оширилди
2026-05-22 09:00:00 / Янгиликлар
Ички ишлар органлари, соҳавий хизматлар ҳамда жамоатчилик вакиллари иштирокида ўтказилган тадбирларда ҳуқуқбузарликларни барвақт аниқлаш, муаммоли оилалар ва назоратдаги шахслар билан ишлашга алоҳида эътибор қаратилди.
Тадбирларга жами вилоят ИИБ соҳавий хизмат ходимлари ва жамоатчилик вакиллари жалб қилинди. «E-Ijtimoiy profilaktika» тизими манзилли ишлар амалга оширилиб, маҳаллалар кесимида хонадонбай ва фуқаробай ўрганиш ишлари олиб борилди. Аҳоли вакилларини қийнаётган мурожаатлар бўйича якка тартибда ҳуқуқий тушунтиришлар берилди.
Шу билан бирга, миграция йўналишида чет элдан қайтган фуқаролар рўйхатга олиниб, улар билан профилактик суҳбатлар ўтказилди.
Пробация ҳисобида турувчи шахслар билан профилактик суҳбатлар олиб борилиб, белгиланган жазо муддатини ўз вақтида бажариши бўйича тушунтиришлар берилди.
Шунингдек давлатимиз раҳбарининг маҳаллаларда хавфсиз муҳит яратиш бўйича берган топшириқлари ижросини таъминлаш мақсадида бозорлар, аҳоли гавжум манзиллар, савдо шохобчалари ва автотураргоҳларда камералаштириш ишлари амалга оширилди.
Киберхавфсизлик йўналиши бўйича маҳалла профилактика инспекторлари, қўриқлаш хизмати ходимлари томонидан уйма-уй юрилиб аҳолининг бу борадаги кибериммунитетини шакллантириш ишлари ўтказилди. Тарғибот учун флаерлар тарқатилди.
Аҳамиятли жиҳати, туманда хотин-қизлар билан ишлаш йўналишида йил бошидан оилавий масалаларда кўплаб мурожаатлар келиб тушган бўлиб, аксарияти такрорий экани аниқланиб,уларга ҳам ҳуқуқий тушунтириш ишлари олиб борилиб, тазйиқ ва зўравонликка учраган нафар хотин-қизга ҳимоя ордери берилди.
Ёшлар ўртасида ҳуқуқбузарликларнинг олдини олиш мақсадида мактабларда
«Давомат» , «Тиғ» профилактик тадбирлари ўтказилди. Мактаб маъмурияти, ота-оналар ва ўқувчилар ўртасида тушунтириш ишлари олиб борилди.
Ўтказилган бу каби манзилли профилактик тадбирлар жиноятчиликни жиловлаш, аҳоли мурожаатларини тезкор ҳал этиш ва маҳаллаларда тинчликни мустаҳкамлашда муҳим аҳамият касб этмоқда.
Қашқадарё вилояти ИИБ Ахборот хизмати