Оммавий тадбирларни ўтказиш даврида жамоат хавфсизлигини таъминлаш масалалари муҳокама этилди
2026-05-21 17:10:00 / Янгиликлар
Кун тартибидаги масалалар юзасидан генерал майор Рустам Джураев томонидан умумий ўрта таълим муассасаларида ўқув йили якунланиши муносабати билан «Сўнгги қўнғироқ» байрамига ҳамда «Қурбон Ҳайити» умумхалқ байрамига тайёргарлик кўриш ва ўтказиш даврида хавфсизликни таъминлаш ва жамоат тартибини сақлаш борасида тегишли хизматлар томонидан амалга оширилиши лозим бўлган чора-тадбирлар аниқ белгилаб берилди.
Бунда, ҳар бир мактаб, истироҳат боғи, масжид, қабристон, зиёратгоҳ ва байрам тадбирлари ўтказиладиган бошқа объектлари ҳудудларда хавфсизликни таъминлаш учун жалб этиладиган куч-воситалар белгилаб олинди. Шунингдек, йиғилишда Ўзбекистон Республикаси Миллий гвардия қўмондонининг ўринбосари полковник Сарвар Мамаюсупов ҳамда Фавқулодда вазиятлар вазирининг 1-ўринбосари полковник Санжар Зупаровларнинг кун тартибидаги масалалар юзасидан ахборотлари тингланди.
ИИВ Жамоат хавфсизлиги департаменти Ахборот хизмати