Навоийда вилоят Ички ишлар бошқармаси ҳамда Мактабгача ва мактаб таълими бошқармаси бошлиқлари раҳбарлигида кенгайтирилган видеоселектор йиғилиши ўтказилди
2026-05-19 09:00:00 / Янгиликлар
Навоий вилоят Ички ишлар бошқармаси бошлиғи, полковник Азат Тасбаев ҳамда Мактабгача ва мактаб таълими бошқармаси бошлиғи раҳбарлигида кенгайтирилган видеоселектор йиғилиши ўтказилди.
Унда шаҳар ва туман ички ишлар бўлимлари бошлиқлари, жамоат хавфсизлиги хизмати, Мактабгача ва мактаб таълими бошқармасининг масъуллари ҳамда инспектор-психологлар иштироки таъминланди.
Йиғилишда инспектор-психологлар фаолияти таҳлил қилиниб, мазкур йўналишда йўл қўйилган камчиликлар танқидий муҳокама этилди.
Шунингдек, умумтаълим мактабларида ўқув йили якунланиши муносабати билан ўтказиладиган “Сўнги қўнғироқ” тадбирларини хавфсиз, тартибли ва юқори савияда ташкил этиш юзасидан амалга оширилиши лозим бўлган чора-тадбирлар белгилаб олинди.
Йиғилиш давомида таълим муассасаларида ўқувчилар хавфсизлигини таъминлаш, ҳуқуқбузарлик ва содир этилиши мумкин бўлган йўл транспорт ҳодисаларини олдини олиш, шунингдек, ёшлар билан манзилли ишлаш самарадорлигини ошириш бўйича масъулларга тегишли вазифа ва топшириқлар берилди.
Навоий вилояти ИИБ Ахборот хизмати